Ururka Midowga Afrika ayaa ka jawaabay eedeymo ugu timid xubnaha Labada Gole ee ku sugan magaalada Muqdisho kuwaas oo ku eedeyay Midowga Afrika inay dab ku sii shidayaan xaalada qalafsan soomaaliya, gaar ahaan khilaafka ka dhaxeeya xubnaha dowladda Federaalka.

Sarkaal u qaabilsan Midowga Afrika arrimaha geeska Afrika Dr kabuuse ayaa difaacay xafiiska Midowga Afrika ka furtay magaalada Jowhar oo dhinaca Waqooyi kaga aadan Magaalada Muqdisho,wuxuuna sheegay in xafiiskan uu yahay mid gacan siinayo dowladda Federaalka Soomaaliya.

Midowga Afrika waxaa uu sheegay in mar walba ay taageersan yihiin dib u dhiska dalka Soomaaliya, waxayna qireen in xarunta dowladda soomaaliya ay tahay magaalada Jowhar.

"Anaga waxaan mar walba ilaalinaa rabitaanka Dowladda soomaaliya, iyada ayaa degtay magaalada Jowhar, Anaga waa qasab inaan xafiis ka furano Jowhar, haddii Dowladda u guurto Muqdisho waa qasab in Xafiiska loo raro magaalada Muqdisho"ayuu yiri Dr Kabuuse

Guddiga Nabadgalyada Midowga Afrika ayaa haatan waxay qorsheynayaan inay shaqaalo u soo diraan soomaaliya kuwaas oo gacan siinayaan Dowladda Federaalka soomaaliya.waxaa kaloo u sheegey in aan ciidmo midowga afrika ka socda aan somaaliya lakeeneyni madaama aan wax qarash loo hayn Qaramada midoobeyna ay shuruudo ku xirtey ka qaadista cuna qaba teynta hubka somaliya