Midowga Afrika oo Qaramada midoobay ka codasday in laga qaado xayiraada hubka Somaliya si ay Ciidamo nabada ilaaliyo loo geeyo

Midowga Afrika oo doonayo in Soomaaliya la geeyo Ciidamo Nabad Ilaalin ah ayaa Xafiis waxay ka furteen Magaalada Jowhar oo dhinaca Waqooye ka jirta Magaalada Muqdisho halkaas oo xarun u tahay Madaxweynaha Dowladda Federaalka C/llaahi Yuusuf Axmed iyo xubnaha kale ee Dowladda.

War kooban oo xalay Midowga Afrika ka soo saareen Xaruntooda Magaalada Addis ababa ee dalka Itoobiya ayaa waxay kaga codsadeen qoraalkkooda Qaramada Midoobay inay xayiradda hubka ka qaadan soomaaliya si Ciidamo Nabad ilaalin ah loo geeyo Soomaaliya.

Midowga Afrika ayaa ku adkeysanaya in Xafiiska ay ka fureen Degmada Jowhar uu yahay mid isku xiraya Midowga Afrika iyo Dowladda Federaalka isla markaana wax looga qabanayo baahida dowladda KMG ah ee Soomaaliya.

Ururka Midowga Afrika ayaa waxay ugu baaqeen Madaxweynaha Dowladda Federaalka Soomaaliya C/llaahi Yuusuf Axmed inuu la yimaado howl muujinaysa waxqabd iyo Iskaashi.

Qoraalkaas laguma Caddeyn tirada Saraakiisha Midowga Afrika ee ka howlgalaysa Xafiiska laga furay Jowhar,laakiin waxaa uu dalbaday Midowga Afrika in Soomaaliya laga qaado Xayiraada hubka si Ururka hub ugu helo Ciidamo gaaraya ilaa iyo Tobon kun kuwaas oo ilaalinaya Dowladda Federaalka Soomaaliya.

Shalay ayey ahayd Markii Xubnaha Labada Gole ee Dowladda Federaalka ka codsadeen Midowga Afrika inay ka laabtan Xafiiska ay ka furteen Magaalada Jowhar, iyagoo markaasi sheegay inaan Midowga Afrika dhexdhaxaad ka ahayn arrimaha soomaaliya

Muxyadiin Cali Jimcaalle Jakuula

jakuula@hotmail.com

Muqdisho Somaliya