Wasiirka kaluumaysiga dawlada kmg ah oo u duulay Tokyo.

Wasiirka kaluumaysiga iyo kheyraadka badda dawlada Fs ayaa duhurnimadii maanta ka ambabaxay magaalada Gaalkacyo asagoo kusii jeeda magaalada Tokyo ee caasimada wadanka Jaban. Wasiirka kaluumaysiga dawlada Fs ayaa magaalada Tokyo kaga qeybgalaya kulan looga hadlayo ilaalinta xeebaha bariga fog iyo geeska afrika .

Xasan Abshir oo socdaalkan ay ku wehliyaan xubno kale oo Somali ah kuna takhasusay cilmiga badda ayaa saxaafada u sheegay ka hor intaa aanu ka duulin garoonka Gaalkacyo inuu dawladaha kulankaasi ka qeyb qaadanay uu u bandhigi doono dhibaatooyinka maraakiibta shisheeya ay ku hayaan xeebaha Somalia iyo sumaha lagu shubayo.

 Xasan Abshir ayaa sidoo kale sheegay inuu ka dalbandoono dawlada jaban in ay ugu deeqdo doomaha dheereeya si looga hortago maraakiibtaasi xaalufka iyo sumahaba ku shubaya xeebta Somalia.Xasan Abshir ayaa la sheegayaa inuu magaalada Nairobi sii mari doono .

Wasiirka kaluumaysiga dawlada Fs ayaa baaq u jeediyey maleeshiyada afduubka ku haysata markabka qaramada midoobay  ee sida afduubka ah loogu haysto degmada Xarardheere ,wuxuuna ka codsaday in markabkaasi ay si degdeg ah ku fasaxaan.

 Back Home