| |
Xaalada Dadka
ku xidhxidhan Yucub oo noloshooda laga soo dayrinayo.
Dad lagu qiyaaso 31 qof oo laga soo xidhxidhay magaalada Wafdhuug oo
ka tirasan gobolka Wardheer ee deegaanka ismaamulka soomaalida Ethiopia (Ogaden)ayaa
xaaladooda nololeed laga soo dayrinayaa. Tirade dadka la qabqabtay oo ay
ahayd 60 qof ayaa intii kale la sii daaya todobaad ka dib, iyadoo 31 ka mid
ah dadkaas wali ay ku xiranyihiin magaalada yucud oo u dhow wafdhuug meesha
shacabkaas laga soo qabqabtay markii hore. Sababta loo haysto ayaa wararku
waxay sheegayaan inay tahaya inay taageersan yihiin Ururka mucaaradka ku ah
dowlada Ethiopia oo dagaalka hubaysan kala soo horjeeda Maamulka Adisababa
loona yaqaano ONLF.Waxaa kale oo lagu soo waramayaa inay ku jiraan tiro
dumar ah oo aad u tabaalaysan, jirdil ba’ana lagu sameeyay, gabadh ka mid ah
dumarka halkaa lagu hayo ayaa waxaa lagu soo waramayaa inay gamcaha laga
jajabiyay, gabadhaas oo magaceeda la yiraahdo Kiin Haybe, ayaa xaaladeedu ka
sii darayasaa, ilaa iyo hadana gabdhaas oo dhaawac daran ka soo gaaray
Jirdilkii lagu sameeyay maysan helin gargaar dhinaca caafimaadka, si kastbas
ha ahaatee hay'adaha xaquuqul insaanka ee ka howlgala bariga Africa ayaan
illaa iyo hada aan booqan halka dadkan lagu hayo, iyagoo xusay inay maqleen
xaalka dadkan balse ay howshooda gali doonaan, hadaba su aasha is weydiinta
mudan waxay tahay xaalada dadkaasi ma mid sugi kartaa qabanqaabo hada
kabacdi la isgu diyaariyo in la arko, iyadoon waliba la hubin sida ay suurto
gal ku tahay in dadkaa dhibaataysan wax loo qabto
RSTVonline.com
Jigjiga
|
|
